وكانت نتيجه الثانويه العامه

وكانت نتيجه الثانويه العامه وده العنوان اللي المفروض يشيل كلام تحتيه كتير بس اللي شفته يتكتب فيه مواويل المهم ان الحمدلله خلصت ثانويه عامه من زمان بعد ماخدت الخذوق الكبير فضك مني انا هاحكي حكايه اختي ماشي ابتدي منين قبل النتيجه بيومين تلاته كانت اختي مش طايقه تكلم حد وماتصدق تلاقي كلمه علشان تعمل خناقه ويوم النتيجه للاسف انا مكنتش في البيت بس لما جيت لقيتها قاعده تعيط المهم سالتها هيه النتيجه بانت قلتلي لسه طيب بتعيطي ليه قالتلي خايفه المهم مرضيتشاضغط عليها ةنفضت ونزلت مع واحد صحبي بنلف بالعربيه كانت هي نزلت هيه والست الوالده مكنوش راضيين ان انا اجيبلهم النتيجه علشان بيتشائموا مني المهم وانا بنلف بالعربيه شفته راجعين كانت الساعه حوالي 12.5 وكان الراجل بتاع النت فاصل النت علشان مش عارف ليه شفتهم كانو الاتنيني بيعيطو والشارع كله بيتفرج عليهم المهم نزلت من العربيه وسبقتهم علي البيت دخلو عليا والدموع ماله عنيهم مرضيتش اسال بس دفعني الفضول سالت اختي ايه طلعتي بملحق مرضيتش عليا قلت جبتي كام يعني 70%مرضيتش عليا قلت اسال ماما جبت كام ردت عليا والدموع ماليه عنيها بلاوكسه جابت 95 الصراحه لو مكنتش قاعد قدام امي او في البيت كنت قلت كلام تاني رحت مطنشهم ودخلت نمت
انا مش بحكب الحكايه دي علشان اقول ان اختي شاطره ومتفوقه لا انا بحكب علشان مصيبه تانيه
لما واحده جايبه 95 وبتقول مش هادخل حاجه يبقي البلد دي العباقره فيها بسم الله ماشاء الله يعني المفروض جوايز نوبل لحد سنه 2050 تبقي مصريه الارقام بتقول كده وده كلام مش من عندي طيب تعالو نحسبها سوا لما حد يجيب 95 يعني ناقص 10 درجات بمعدل درجتين في كل ماده مش ده تقدير ممتاز جدا طيب ليه بتعيط بقي انا مش عارف اوضح اكتر من كده بس اكيد انتم عرفتو انا عايز اقول ايه وفهمتم ومتهيالي ان دي ظاهره تستحق الدراسه علي فكره اختي في سنه تانيه لسه وهيه اصلا علمي رياضه افهوها بقي