بقالي كتير محدش اشتغلني

القراءه للجمييييييع مهرجان ناجع اكيد زمان مثلت مسرحيه في النادي بتاعنا وكان عندي بتاع 7 سنين او 8 مش فاكر كنت لابس بدله مسلمينها لينا وبوبيونه وماسك في ايدي كتاب ومش فاكر كنت بقول ايه بس الي انا فاكره كنا بنغني اغنيه بتقول يادي النور يادي النور ماما سوزان في دمنهور المهم هيه مكنتش في دمنهور ولا حاجه بس اهه كلام

عندك ياسيدي مهرجان القرايه السنادي شكل تاني خالص غير كل سنه جيبنلك شويه بني ادمين منهم علي التلفزيون ويقولوك لازم تقر اقرا علشان تبقي جميل اقرا علشان تبقي حلو كده والمهم للي جيبنهم دولت والله محد فيهم بيفتح ورقه ولحسن حظنا ان واحد منهم هو النايب بتاعنا الباشمهندس مصطفي الفقي كلب الحزب الوطني اللي داخل المجلس بالتزوير وهو نفسه يعرف كده ويقلك اقره القرايه بتوسع معارفك يلهوي علي المعارف وطبعا جايين تاتا سوزان تقلك كلمتين باين انهم تسميع ومسكالك كتاب نجيب محفوظ وعمليات شد الوش باينه اوي ولاكانها اربعين سنه وتكلمك بكل حنيه ولطافه ياحبيبي ياحلوين لازم تقرو كان بالظبط اشربو اللبن قبل ماتنامو طبعا احنا كلنا حسين قد ايه تاتا سوزان همها الكبير ان الشعب المصري الجاهل يقرا ويتعلم ويبقي مثكف

المهم انا مصدق ده كله وفاهم ومدندش ورضيت ان الت دي تلطع صورتها في اي كتاب تبع المهرجان حتي لو كان كتاب سكسكان هيه بروح امها اللي عاملاه من جيب ابوها وتفضل صورتها ملطوعه طول العمر وتتورث كمان للغاويين يحتفظو بالكتب المهمانا برده لسه مصدقالاشتغاله دي وشفت الدعايا اللي مغرقه البلد قلت ياواد خليك غبي وامشي ورا الكداب شفت بقي عندنا في دمنهور قصر الثقافه المهدود بيتتظبط كده قلت الله ده الموضوع بجد والبلد بجد هتقرا طيب طلع بيتظبط ليه علشان يتعمل معرض يتباع في شنط وجزم وغيارات داخليه قلت مش مهم رحته المكتبه الوحيده اللي عندنا مكتبه مبارك طبعا اسمها لازم يكون مبارك مش الريس راعي النمو والزدهار الثقافي في البلد رحت لقيت الموظف بيقر الجرنان وملقيتش ولا بني ادم في المكتبهقلتله حضرتك ممكن استعير كتب او اعمل كارنيه قلي ايه تصورو قلي تعالي اول السنه في شهر يناير اصل لاشتراكات بتتعمل في الوقت ده ودي المشكله اصل في شهر يناير مبكونش فاضي بكون بشتي في جزر المالديف شفت والنبي اقله ايه عايز اقرا كتاب 300 صفحه اقعداقراه معاه جنبه والجو الحر والدبان اعمل ايه قلولي بس قلت اروح اشتري من المكتبه القوميه اللي عندنا برده ورحت ياسيدي لقيت نص كتب اشهي المؤكلات وطبيبك الخاص وشويه كتب الحكومه فرضه علينا الناس اللي اصحاب الكتب دي وعايزه تلمعهم طيب والنبي اعمل ايه قلولي بس اكتب ايه كمان نفسي افهم الناسدي هتفضل تشتغلنا لحد امتي نفسي ارحمونا بقي كفااااااااااااايه احنا زهقناااااااااااااااااا احنا طهقناااااااااااااااااااا منكم انتم ايه مبتفصلوش دي التلاجه بتفصل يابخت مين زار وخفف حراااااام عليكم