واخيرا قررت اني اكتب بعد فنره كبيره من التردد ايه خلاني مكتبش معرفش
وايه برده اللي خلاني فجاه برده وحياتك ياللي بتقرا مش عارف بس احد الاسباب الهامه الي خلتني اكتب هو اني بسال نفسي
انا ليه مكتبش ملقيتش جواب لنفسي وبرده لو سالت نفسي انا ليه هاكتب مش هلاقي حاجه تقنعني بس هيه مجرد فضفضه
ابتدي منين مش عارف
اه ابتدي من الزامن الزمان دلوقتي مش عارف حاجه وعشرين رمضان وفاضل علي نهايه الشهر الفضيل كام يوم وبفتكر علي طول اغنيه تم البدر بدري والله لسه بدري بدري ياشهر الصيام.
المهم انه عدا عليا احداث كتير جدا الفتره اللي فاتت المفروض تتكتب بس مكنش ليا نفس اكتب
جه في بالي دلوقتي انا ايه اللي بقوله ده ده كلام كتير اوي
يلا بينا
بيني وبينك انا مش عارف اتكلم في ايه اتكلم في السياسه
مفيش اي جديد ولاقديم بقالنا كتير مش عارفين نعمل حاجه ايه المفروض يتقال
اتكلم عن الاسعار المولعه في رمضان برده هاقول ايه
اتكلم عن رمضان اللي اتحول من شهر الصوم لشهر التلفزيون
رمضان اللي كان ايامه ليها طعم تاني كان حتي الجو ليه ريحه تانيه تمشي في الشارع قبل الفطار تشم ريحه العجينه بتاعت الكنافه والقطايف تشوف شباب بيسلي صيامه وبيلعبو كوره ولا دورات البلاي ستيشن ولا ايه برده مش عارف احكي دلوقتي محدش حاس باي حاجه كل حاجه حلوه زمان كان اتحط عليها غمامه
اتكلم عن الاهلي المكتسح والزمالك اللي بقاله اربع سنين بيقلك قادم اتكلم عن التلفزيون والمسخره اللي بتحصل فيه والمسلسلاتن الي عمله زي الاساتك اتكلم عن ايه فانا زهقت من الكلام وبرده مش عارف اتكلم
حياه خنيقه بلاطعم ولاي حاجه قولي ممكن اعمل ايه
No comments:
Post a Comment